რენტგენოგრაფია
რენტგენოგრაფია (რენტგენი) სხივური დიაგნოსტიკის ერთ-ერთი ყველაზე გავრცელებული და ძირითადი მეთოდია, რომელიც ეფუძნება რენტგენის სხივების გამოყენებას.
კვლევა არის არაინვაზიური, სწრაფი და უმტკივნეულო, რაც ექიმს საშუალებას აძლევს დროულად და ეფექტურად აღმოაჩინოს როგორც ტრავმული დაზიანებები, ისე სხვადასხვა პათოლოგიური ცვლილებები.
რენტგენოგრაფია მნიშვნელოვნად უწყობს ხელს ზუსტი დიაგნოზის დასმასა და მკურნალობის სწორი სტრატეგიის დაგეგმვას.
რენტგენოლოგიური კვლევა ინიშნება:
- ფილტვების და გულმკერდის ღრუს ორგანოების მდგომარეობის შესაფასებლად (მაგალითად, პნევმონია, ტუბერკულოზი, სიმსივნე)
- ძვლოვანი სისტემის დაზიანებების, მოტეხილობებისა და სახსრების ტკივილის მიზეზების დასადგენად
- შინაგან ორგანოებში სტრუქტურული ცვლილებების, ანთებითი პროცესებისა და ქრონიკული დაავადებების მიმდინარეობის გასაკონტროლებლად
რენტგენოგრაფია ითვლება ერთ-ერთ საბაზისო, სანდო და ხელმისაწვდომ დიაგნოსტიკურ მეთოდად, რომელიც ფართოდ გამოიყენება როგორც გადაუდებელ, ისე გეგმიურ მედიცინაში.
