გზამკვლევი

მრავალპროფილური კლინიკა ჯერარსი უმაღლესი ხარისხის გადაუდებელ დახმარებას, ამბულატორიულ და სტაციონარულ  ფართო სპექტრის სამედიცინო სერვისებს მოიცავს.

 

გადაუდებელი დახმარება:

კლინიკა ჯერარსის გადაუდებელი დახმარების დეპარტამენტის ექიმების გუნდი პაციენტებს სთავაზობს საუკეთესო ხარისხის სამედიცინო მომსახურებას  დღე-ღამის ნებისმიერ მონაკვეთსა და კვირის ნებისმიერ დღეს.

 

პაცინტის თანმხლები პირების ინფორმირების წესი:

 

პაციენტის თანმხლები პირებისთვის გამოყოფილია სპეციალურად მოწყობილი მოსაცდელი ოთახი, სადაც მათი ინფორმირება ხდება შემდეგი წესის მიხედვით:

  • პირველადი ინფორმაცია პაციენტის მდგომარეობის შესახებ გაიცემა შემოყვანიდან არაუგვიანეს 15 წუთისა. ინფორმირებას ახდენს ექიმი ან უმცროსი ექიმი;
  • წინასწარი დიაგნოზის შესახებ პაციენტის ოჯახის წევრის ინფორმირება ხდება პაციენტის შემოყვანიდან არაუგვიანეს 1.5 საათისა. დეტალურ ინფორმაციას გასცემს გადაუდებელი დახმარების დეპარტამენტის ხელმძღვანელი ან პასუხსიმგებელი ექიმი.
  • საგანგებო შემთხვევების დროს, როდესაც საჭიროა პაციენტის შესახებ ინფორმაციის დაზუსტება, გადაუდებელი დახმარების ექიმი დამატებით იძახებს ოჯახის წევრს და აწვდის ინფორმაციას.
  • ფინანსური ანგარიშგების შესახებ პაციენტის უფლებამოსილ პირთან ურთერთობას ამყარებს რეგისტრატორი ან განყოფილების მენეჯერი.

 

 

ამბულატორიული მომსახურება:

ორშაბათი-პარასკევი: 09:00-18:00

შაბათი: 10:00-14:00

ფართო სპექტრის სამედიცინო მომსახურებების   დაჯავშნა თქვენთვის სასურველ დროს და ადგილას, საინფორმაციო სამსახურისა  + 995 32 2 111 112  და ვებ-გვერდის www.jerarsi.ge საშუალებით  ექიმ-სპეციალისტთან, ლაბორატორიაში, დიაგნოსტიკაში.

ამბულატორიაში წინასწარი ჩაწერის გარეშე ვიზიტის განხორციელება.

 

 

ინდივიდუალურ საჭიროებებზე მორგებული მომსახურებები:

ერთადერთი კლინიკა, სადაც მშობლებს შესაძლებლობა აქვთ, ამბულატორიაში სამედიცინო სერვისების მიღებისას, პატარები ანიმატორის მეთვალყურეობის ქვეშ უსაფრთხოდ და საიმედოდ დატოვონ;

პატარა პაციენტებისთვის ლოდინის გამარტივებული, სახალისო პერიოდი ანიმატორთან ერთად;

ბავშვთა გულის თანდაყოლილი მანკების დეპარტამენტში პატარების განწყობის ასამაღლებელი, ფერადი, მეგობრული და განსაკუთრებული გარემო.

 

 

სტაციონარული მომსახურება:

 24/7  სამედიცინო დახმარება

სტაციონარში მყოფი პაციენტების ნახვის საათები:

ორშაბათი – პარასკევი: 17:00 – 20:00

შაბათი – კვირა:  12:00-18:00

სტაციონარში პაციენტის მონახულების წესი:

პაციენტის ნახვის მსურველები საშვთა ბიუროში გადიან რეგისტრაციას, ტოვებენ პირადობის დამადასტურებელ საბუთს და იღებენ ელექტრონულ საშვებს.

პალატაში ასვლის წინ, მნახველი გარდერობში აბარებს ქურთუკს, იცვამს ხალათსა და ბახილებს.  მხოლოდ ამის შემდეგ, მიდის პალატაში.

12 წლამდე ასაკის მნახველების შეყვანა კლინიკის სტაციონარულ განყოფილებაში აკრძალულია.

სტაციონარში პაციენტი უზრუნველყოფილია 3-ჯერადი კვებით.

საკვები პროდუქტის ატანა შესაძლებელია ექიმთან კონსულტაციის შესაბამისად.

 

რეანიმაციული და ინტენსიური თერაპიის განყოფილებაში მყოფი პაციენტების ოჯახის წევრების ინფორმირება, მკურნალ ექიმთან გასაუბრების სტანდარტი:

 

ექიმის მიერპაციენტის საკონტაქტო პირის ინფორმირება ხდება ოპერაციის დასრულების შემდეგ, არაუგვიანეს 1,5 საათის განმავლობაში;

რეანიმაციულ/ინტენსიური თერაპიის განყოფილებაში მყოფი პაციენტების საკონტაქტო პირების ინფორმირება ხდება წინასწარ განსაზღვრულ საათებში, კერძოდ:

გულის თანდაყოლილი მანკების განყოფილება:

ყოველ სამუშაო დღეს: 15:00 – 16:00

კარდიო-რეანიმაციის განყოფილება:

15.00-16.00

 

რეანიმაცია და ინტენსიური თერაპიის განყოფილება:

16.00-17.00

საკონტაქტო პირი კარდიო-რეანიმაციულ განყოფილებაში დაიშვება იმ შემთხვევაში თუ  ჰოსპიტალიზაციის პერიოდი გახანგრძლივდება 3 დღეზე მეტ ხანს. ამ შემთხვევაში, პაციენტთან დაიშვება მხოლოდ 1 ადამიანი.

შაბათ-კვირას მკურნალ ექიმთან გასაუბრება შესაძლებელია წინასწარი შეთანხმებით.

კლინიკაში მოქმედებს, როგორც საყოველთაო ჯანდაცვის სახელმწიფო პროგრამა, ასევე კერძო დაზღვევა.